හෙ සේවාවේ ගැටළු තවමත් විසදා නෑ, හෙද හෙදියන් හෙට කළු පටි පැළඳ සේවයේ..
හෙට (25) දිනය තුළ කළු පටි පැළඳ සේවයට වාර්තා කරන බව රාජ්‍ය සේවා එක්සත් හෙද සංගමය අවධාරණය කර සිටියි. සිය වෘත්තීය ගැටළු සම්බන්ධයෙන් මෙතෙක් විසදුම් ලබාදීමට බලධාරීන් කටයුතු කිරීමට එරෙහිව මෙම විරෝධතාවය දියත් කරන බව එම සංගමය තවදුරටත් පවසා සිටියි. බලධාරීන් කොතෙක් දැනුවත් කළද හෙද සේවාව තුළ උද්ගතව ඇති ගැටළු විසදීමට ඔවුන් කටයුතු කර නොමැති බවත් තවදුරටත් බලධාරීන් නිහඩව සිටින්නේ නම් මෙම විරෝධතාවයෙන් අනතුරුව ඉදිරියේදී දැවැන්ත වෘත්තීය ක්‍රියාමාර්ග කරා යොමුවන බව ද රාජ්‍ය සේවා එක්සත් හෙද සංගමය වැඩිදුරටත් අනාවරණය කර සිටියි.
