දෙවන පාසල් වාරයට පෙර වෘත්තීය ක්රියාමාර්ග ගන්නවා, ගුරු සංගම් තීරණයකට එළඹේ…
පසුගිය මාර්තු 13 වන දින දීප ව්‍යාප්තව අසනීප නිවාඩු වාර්තා කල ගුරු සංගම් හා තවත් සංගම් ඒකාබද්ධව කැඳවනු ලැබු වැඩ වර්ජනයේදී වර්තමාන අධ්‍යාපන අමාත්‍යවරයා මෙරට ගුරුවරුන්ගේ හා විදුහල්පතිවරුන්ගේ මෙන්ම සමස්ථ අධ්‍යාපන ක්‍ෂේත‍්‍රයම මුහුණ පා ඇති අර්බුද තේරුම් නොගෙන මාධ්‍ය වෙත සිදුකළ වගකිම් විරහිත ප‍්‍රකාශ සම්බන්ධව දැඩි විරෝධය පළකර සිටින අතර ගුරුවරුන්ගේ හා විදුහල්පතිවරුන්ගේ උක්ත ඓතිහාසික වෘත්තීය ක‍්‍රියාමාර්ගය අවතක්සේරු කිරීම පිළිබඳව දැඩි අප‍්‍රසාදය පළ කර සිටියි. ඒ අනුව එළඹෙන දෙවන පාසල් වාරය ආරම්භයට පෙර අපේ‍්‍රල් 22 ට අදාල ඉල්ලීම් සම්බන්ධව අමාතයවරයා විසඳුම් වහා ක‍්‍රියාවට නොගන්නේ නම් නැවත දැනුම් දීමකින් තොරව දැඩි වෘත්තීය ක්රියාමාර්ග වලට එළඹෙන බව ලංකා ගුරුසේවා සංගමයේ සභාපති මහින්ද ජයසිංහ මහතා අවධාරණය කරයි.
