ජනපති නියමයෙන් නීති විරෝධී මත්ද්රව්ය කිලෝග්රෑම් දහසක් අද විනාශ කෙරේ..
අධිකරණ ක්රියාවලිය අවසන් කරන ලද, ආරක්ෂක අංශ මගින් අත්අඩංගුවට ගත් නීති විරෝධී මත්ද්රව්ය කිලෝග්රෑම් දහසකට අධික ප්රමාණයක් අද (01) දිනයේදී විනාශ කිරීමට නියමිතව ඇති බව ජනාධිපති මාධ්ය අංශය අනාවරණය කර සිටියි. ජනාධිපති මෛත්රීපාල සිරිසේන මහතාගේ නියෝගයක් අනුව මෙසේ අදාළ නීති විරෝධී මත්ද්රව්ය තොගව විනාශ කරන බව ද එම ආරංචි මාර්ග තවදුරටත් පවසා සිටියි. අද උදෑසන කාලයේ කැළණිය, මගුරුවෙල ප්රදේශයේ පිහිටි ගබඩා සංකීර්ණයකදී මෙසේ අදාළ මත්ද්රව්ය තොගය විනාශ කරනු ලබන අතර මෙම අවස්ථාවට ජනාධිපතිවරයා ද එක්වනු ඇත. පසුගිය වසරේදීද කොකේන් කිලෝග්රෑම් 926 ක් මේ ආකාරයට ප්රසිද්ධියේ විනාශ කරන ලදී.