පුද්ගලික අංශයෙන් විදුලිය මිලදීගන්නා ශ්‍රී ලංකා මහජන උපයෝගීතා කොමිෂන් සභාවේ අනුමැතිය..
පුද්ගලික අංශයෙන් හදිසි මිලදීගැනීමක් ලෙස විදුලිය ලබාගැනීමට ශ්‍රී ලංකා මහජන උපයෝගීතා කොමිෂන් සභාවේ අනුමැතිය ලැබී ඇති බව වාර්තා වේ. ඒ අනුව මෙගාවොට් සියයක විදුලි ධාරිතාවක් හදිසි මිලදී ගැනීමක් වශයෙන් ලබාගැනීමට ලංකා විදුලිබල මණ්ඩලය විසින් පෙබරවාරි මාසයේදී ඉදිරිපත් කරන ලද ටෙන්ඩරයට මෙසේ ශ්‍රී ලංකා මහජන උපයෝගීතා කොමිෂන් සභාව විසින් අනුමැතිය ලබාදී ඇත. අදාළ විදුලිය ප්‍රමාණය ලබන අප්‍රේල් මස 20 වැනිදා සිට ජාතික විදුලිබල පද්ධතියට එක්කිරීමට නියමිතව ඇතැයි ලංකා විදුලිබල මණ්ඩලය අනාවරණය කරසිටියි.
