වෙළද පොළේ මිල පහළට, සහල් පාලන මිල අත්හිටුවයි..
අද (01) සිට ක්‍රියාත්මක කිරීමට නියමිතව තිබූ සහල් පාලන මිල කි‍්‍රයාත්මක නොකරන බව රජයේ ආරංචි මාර්ග අනාවරණය කර සිටියි. පාලන මිලට වඩා, මේ වන විට වෙළදපොළ තුළ සහල් මිල ගණන් පහළ යාම නිසා මෙම තීරණයට එළඹී බව එම ආරංචි මාර්ග තවදුරටත් පවසා සිටියි. අද සිට පැනවීමට තිබූ පාලන මිලට අනුව නාඩු සහල් කිලෝවක් රුපියල් 80 කටත්, සම්බා සහල් කිලෝවක් රුපියල් 85 කටත් අලෙවි කළයුතු වුවත් අද වන විට වෙළදපොළ තුළ සහල් මිල එම මිල ගණන් වලට වඩා පහළ ගොස් තිබේ. ඒ අනුව යම් හෙයකින් උත්සව සමය වන විට සහල් මිල යළි ඉහළ ගියහොත් පාලන මිලක් නියම කරන බව ද රජයේ ආරංචි මාර්ග තවදුරටත් පවසා සිටියි.
