පාර්ලිමේන්තුව දෙසින් කොළඹට පැමිණෙන බස් රථ සදහා අද සිට නව ධාවන සැලැස්මක්..
පාර්ලිමේන්තුව දෙසින් කොළඹ දෙසට ධාවනය වන බස් රථ සදහා නව රථ වාහන සැලැස්මක් ක්රියාත්මක වන බව වාර්තා වේ. අද (02) සිට මෙම නව රථ වාහන සැලැස්ම ක්රියාත්මක වන අතර ඒ අනුව පාර්ලිමේන්තුව දෙසින් කොළඹ දෙසට ධාවනය වන බස් රථ, වැලිකඩ මංසන්ධියෙන් කොටා පාරට හරවා ආයුර්වේද මංසන්ධිය දෙසට ධාවනය කළයුතුව ඇත. පාර්ලිමේන්තුව දෙසින් කොළඹ දෙසට ධාවනය වන බස් රථ මෙතෙක් කොටා පාරට ඇතුළු වූයේ ආයුර්වේද මංසන්ධියෙන් වූ අතර ඒ හේතුවෙන් ඇතිවන අධික රථ වාහන තදබදයට විසදුමක් ලෙස මෙම නව රථ වාහන සැලැස්ම ක්රියාත්මක කරන බව මාර්ග සංවර්ධන අධිකාරිය අනාවරණය කර සිටියි.