ආනයනික පපඩම් වල බදු ඉහළට..
මෙරට උඳු ගොවීන් සහ උඳු කර්මාන්තය ආරක්ෂා කරගැනීමේ අරමුණින් මෙරටට ආනයනය කරනු ලබන පපඩම් සදහා පනවා ඇති බදු ඉහළ දැමීමට තීරණය කර ඇති බව වාර්තා වේ. පසුගිය දා රැස් වූ ජීවන වියදම් කමිටුවට මෙම යෝජනාව ඉදිරිපත්වී ඇති අතර ඒ සම්බන්ධයෙන් වන අවසන් තීරණය කමිටුව ලබන සතියේ නැවත් රැස්වූ පසු ගන්නා බව සදහන්ය. කෙසේ වෙතත් සිංහල අලුත් අවුරැද්දට පෙර මෙම බදු ඉහළ දැමීම සම්බන්ධයෙන් වන තීරණය ගන්නා බව ද එම ආරංචි මාර්ග වැඩිදුරටත් අනාවරණය කර සිටියි.