අයවැය ඡන්ද විමසීමේදී කටයුතු කරන්නේ කෙසේද? ශ්රී.ල.නි.ප යේ අවසන් තීරණය අද..
පසුගියදා පාර්ලිමේන්තුවට ඉදිරිපත් කරන ලද අයවැයෙහි තෙවන වර කියවීමේ ඡන්ද විමසීමේදී කටයුතු කරන ආකාරය පිළිබදව වන අවසන් තීරණයට අද (04) පස්වරුවේ එළඹෙන බව ශ‍්‍රි ලංකා නිදහස් පක්ෂය පවසා සිටියි.අයවැයෙහි තෙවන වර කියවීමේ ඡන්ද විමසීම හෙට (05) පාර්ලිමේන්තුවේදී පැවැත්වෙන අතර ඒ සම්බන්ධයෙන් අදහස් දක්වමින් පාර්ලිමේන්තු මන්ත්‍රී ලසන්ත අලගියවන්න මහතා විසින් මේ බව සදහන් කර ඇත.
අද සවස පාර්ලිමේන්තු සංකීර්ණයේදී පැවැත්වීමට නියමිතව ඇති සාකච්ඡාවේදී අදාළ ඡන්ද විමසීම පිළිබදව වන අවසන් තීරණයට එළඹීමට නියමිතව ඇති බවත් ශ්රී ලංකා නිදහස් පක්ෂ මන්තී‍්‍ර කණ්ඩායම මීට පෙර පවත්වන ලද සාකච්ඡාවන් වලදී මේ සම්බන්ධයෙන් අවසන් එකගතාවයකට එළඹීමට නොහැකි වූ බවත් අලගියවන්න මහතා තවදුරටත් අවධාරණය කර ඇත.
