සිංහල බෞද්ධ ජනතාවට අන්යාගමිකයින්ගෙන් වන බලපෑම් ගැන බොදු ජය සේනා පක්ෂයෙන් මානව හිමිකම් කොමිසමට පැමිණිල්ලක්..
මෙරට අන්යාගමිකයින් විසින් මෙරට සිංහල බෞද්ධ ජනතාව වෙත සිදුකරනු ලබන විවිධ බලපෑම් සහ විදුලි කප්පාදුව හේතුවෙන් ජනතාව පත්ව ඇති පීඩාව සම්බන්ධයෙන් සදහන් කරමින් බොදු ජය සේනා පක්ෂය විසින් පසුගිය දා ශ්රී ලංකා මානව හිමිකම් කොමිෂන් සභාව වෙත පැමිණිල්ලක් භාරදෙන ලදී. බොදු ජය සේනා පක්ෂයේ නායක විජිත් අරුණසිරි බන්දුලහේවා මහතා විසින් මෙම පැමිණිල්ල භාරදෙන ලද අතර මෙම පැමිණිල්ලෙහි ලිඛිත සාක්ෂිකරුවන් වශයෙන් බොරලැස්ගමුව බෝධිරාජාරාමාධිපති පූජ්ය කටුවන චන්දරතන සහ පූජ්ය බෙංගමුවේ නාලක යන හිමිවරුන් සදහන් කර ඇත.
පොලිස්පති පූජිත ජයසුන්දර මහතා වගඋත්තරකරු ලෙස නම් කරමින් බොදු ජය සේනා පක්ෂය විසින් මෙම පැමිණිල්ල ඉදිරිපත් කර ඇත.