අලූත් අවුරුදු සමයේදී බන්ධනාගාර ගතවූවන්ගේ සුවදුක් විමසීමට ඥාතීන්ට දින 05 ක්..
එළඹෙන අලූත් අවුරුදු සමය නිමිත්තෙන් මේ වන විට බන්ධනාගාරගත කර සිටින රැදවියන්ගේ සුවදුක් විමසීම සදහා එම පවුල් සාමාජිකයන් හට ලබාදෙන දින ප්රමාණය ඉහළ දැමීමට තීරණය කර ඇති බව බන්ධනාගාර දෙපාර්තමේන්තුව අනාවරණය කර සිටියි. ඒ අනුව හෙට (13) සිට ලබන 17 වනදා තෙක් දින 05 ක කාලයක් රැදවියන්ගේ පවුල්වල සාමාජිකයින්ට ලබාදෙනු ඇත. අවුරුදු සමය තුළ පවතින ප්රවාහන දුෂ්කරතා ඇතුළු වෙනත් කරුණු සම්බන්ධයෙන් අවධානය යොමුකරමින් මෙම තීරණය ගෙන ඇති අතර මීට පෙර අලූත් අවුරුදු සමයේදී රැදවියන්ගේ සුවදුක් විමසීමට එම පවුල්වල සාමාජිකයින්ට ලබාදී තිබුනේ දින 02 ක් පමණි.