පැළ සිටුවීමේ නැකත අද පූර්වභාග 11.17 ට..
පැළ සිටුවීමේ නැකත අද (15) පූර්වභාග 11.17 ට යෙදී තිබේ. සිංහල හා දෙමළ අලුත් අවුරුදු නැකත් අතරට පැළ සිටුවීමේ නැකත මුල් වරට ඇතුළත්ව ඇත්තේ මෙවරයි. ඒ අනුව ස්වේත වර්ණයෙන් සැරසී නැගෙනහිර දිශාව බලා මෙම පැළ සිටුවීම සිදුකළ යුතු බව ජ්‍යොතිෂයේ සඳහන් වේ. සුබ නැකතින් පැළයක් රෝපණය කර සිය වගකීම ඉටුකරන්නැයි ජනාධිපති මෛත්‍රීපාල සිරිසේන මහතා ජනතාවගෙන් ඉල්ලීමක් කරසිටියි. මතු අනාගත පරපුර මෙන්ම, පරිසරය රැකගැනීමත් වෙනුවෙන් පුරවැසියෙකු ලෙස සිය වගකීම් ඉටු කිරීම සදහා අදට යෙදී ඇති මෙම නැකත යොදාගන්නා ලෙසද ජනාධිපතිවරයා වැඩිදුරටත් අවධාරණය කර සිටියි.
