පීලි පැනීමෙන් අඩාල වූ කැළණිවැලි දුම්රිය ගමනාගමනය යථා තත්ත්වයට..
කැළණිවැලි දුම්රිය මාර්ගයේ කිරුළපන හා නාරාහේන්පිට දුම්රිය ස්ථාන අතර ඊයේ (16) සිදුවූ දුම්රිය පීලි පැනීමක් හේතුවෙන් අඩාල වු දුම්රිය ධාවන කටයුතු මේ වන විට සාමාන්‍ය පරිදි සිදුවන බව දුම්රිය දෙපාර්තමේන්තු ආරංචි මාර්ග අනාවරණය කර සිටියි. දුම්රිය පීලිගත කිරීමේ කටයුතු සදහා යම් කාලයක් ගතවූ නමුත් ඊයේ සවස් කාලයේ සිට එම දුම්රිය මාර්ගයේ දුම්රිය ධාවන කටයුතු සාමාන්‍ය පරිදි සිදුකිරීමට හඑැකිවූ බව ද එම ආරංචි මාර්ග තවදුරටත් පවසා සිටියි. මේ අතර මුහුදු බඩ දුම්රිය මාර්ගයේ ඊයේ සිදුවූ දුම්රිය ප‍ීලිපැනීම නිසා අඩාල වූ දුම්රිය ධාවන කටයුතු ද මේ වන විට යථා තත්ත්වයට පත්කර ඇතැයි එම ආරංචි මාර්ග වැඩිදුරටත් පවසා සිටියි.
