දුම්රියකට ගල් ප්රහාරයක්, රියදුරුට තුවාල..
දුම්රියකට ගල් ප්රහාරයක් එල්ල කිරීම නිසා අදාළ දුම්රියෙහි රියැදුරුවරයා තුවාල ලබා රෝහල්ගත කර ඇති බව වාර්තා වේ. ගාල්ල සිට බෙලිඅත්ත බලා ධාවනය වෙමින් පැවති දුම්රියකට ඊයේ (23) රාත්රී 10.30 ට පමණ බෙලිඅත්ත, උණන ප්රදේශයේදී මෙම ගල් ප්රහාරය එල්ල වී තිබේ. මෙම ගල් ප්රහාරයෙන් රියදුරුවරයාගේ ඇසකටත්, දුම්රිය එන්ජිමෙහි වීදුරුවකටත් හානි සිදුව තිබේ.