රටේ තත්ත්වය හේතුවෙන් මැයි දින පෙළපාළිය සහ රැලිය නොපැවැත්වීමට තීරණය කළා – ජනතා විමුක්ති පෙරමුණ
පසුගියදා එල්ලවූ ත්‍රස්ත ප්‍රහාරයත් සමග රට තුළ ඇතිවී ඇති අනාරක්ෂිත තත්ත්වය හමුවේ මැයි දින පෙළපාළිය සහ රැලිය නොපැවැත්වීමට තීරණය කළ බව ජනතා විමුක්ති පෙරමුණ අනාවරණය කර සිටියි. ඊයේ (26) එම පක්ෂ මුලස්ථානයේ පැවති මාධ්‍ය හමුවකදී ජනතා විමුක්ති පෙරමුණේ නායක පාර්ලිමේන්තු මන්ත්‍රී අනුර කුමාර දිසානායක මහතා විසින් මෙම අදහස් පළකරන ලදී. සිය අදහස් දක්වමින් දිසානායක මහතා තවදුරටත් අනාවරණය කරන ලද්දේ මෛත්‍රීපාල සිරිසේන සහ රනිල් වික්‍රමසිංහ යන මහත්වරුන් කටයුතු කර ඇත්තේ ජනාධිපතිවරයා සහ අග්‍රාමාත්‍යවරයා ලෙස නොව ශ්‍රී ලංකා නිදහස් පක්ෂයේ නායකයා සහ එක්සත් ජාතික පක්ෂයේ නායකයා ලෙස පමණක් බවයි. ඒ අනුව එම මහත්වරුන් දෙදෙනා කටයුතු කර ඇත්තේ රට සහ ජනතාව වෙනුවෙන් නොවන බව ද අනුර කුමාර දිසානායක වැඩිදුරටත් පවසා සිටින ලදී.
