“මාකඳුරේ මධුෂ්” පිටුවහල්, කටුනායකදී CID අත්අඩංගුවට..
ඩුබායි රාජ්යයේදී අත්අඩංගුවට පත්වූ මෙරට පාතාල සාමාජිකයෙකු වන “මාකඳුරේ මධුෂ්” එරටින් පිටුවල් කර ශ්රී ලංකාවට එවා ඇත. ඒ අනුව අද (05) අළුයම 05.00 ට පමණ යූ.එල් 226 ගුවන් යානයෙන් කටුනායක ගුවන් තොටුපළට පැමිණ ඇති මාකඳුරේ මධූෂ් යන අය එහිදී කටුනායක අපරාධ පරීක්ෂණ දෙපාර්තමේන්තු ඒකකය විසින් සිය භාරයට ගෙන තිබේ. ඩුබායි රාජ්යයේදී පැවති සාදයකදී මාකඳුරේ මදුෂ් ඇතුළු පුද්ගලයින් 31 දෙනෙකු එරට ආරක්ෂක අංශ අත්අඩංගුවට පත්වූයේ පෙබරවාරි 05 වනදායි. මත්ද්රව්ය ළඟ තබා ගැනීම සහ භාවිතා කිරීම යන චෝදනා මත අත්අඩංගුවට පත්වූ අදාළ පිරිස අතර මෙරට ජනප්රිය ගායක අමල් පෙරේරා, ඔහුගේ පුත් නදිමාල් පෙරේරා මෙන්ම රංගන ශිල්පි රයන් වෑන් රෝයන් යන පුද්ගලයින් ද සිටින ලදී.