පවතින තත්ත්වය හමුවේ සිසු අරක්ෂාව විදුහල්පතිවරු, ගුරුවරු සහ මවුපියන් වෙත පැවරීම නුසුදුසුයි – ලංකා ගුරු සංගමය
රට තුළ පවතින ආරක්ෂක තත්ත්වය හමුවේ සිසුන්ගේ ආරක්ෂාව, විදුහල්පතිවරු, ගුරුවරු සහ මවුපියන් වෙත පැවරීම නුසුදුසු බව ලංකා ගුරු සංගමය අවධාරණය කර සිටියි. ලංකා ගුරු සංගමයේ ලේකම් ජෝසප් ස්ටාලින් මහතා පවසන්නේ පාසල්වල සහ සිසුනගේ ආරක්ෂාව සම්බන්ධයෙන් වන වගකීම පූර්ණ වශයෙන් විදුහල්පතිවරු සහ ගුරුවරුන්ට පවරමින් නිකුත් කරන ලද චක‍්‍රලේඛය අහෝසි කළ යුතු බවයි. මේ සදහා බලධාරීන් කළයුතුව ඇත්තේ ආරක්ෂක අංශ සම්බන්ධ කර ගනිමින් විධිමත් වැඩපිලිවෙළක් කි‍්‍රයාත්මක කිරීම බව ද ස්ටාලින් මහතා වැඩිදුරටත් පවසා සිටියි.
