ගෝඨාභය රාජපක්ෂට විදෙස් ගතවීමට අවසර..
වෛද්‍ය පරීක්ෂණයකට පෙනීසීටම සදහා හිටපු ආරක්ෂක ලේකම් ගෝඨාභය රාජපක්ෂ මහතාට විදෙස් ගතවීමට අධිකරණය විසින් අවසර ලබාදී ඇති බව වාර්තා වේ. ඒ අනුව ලබන 15 වනදා සිට 19 වනදා තෙක් සිංගප්පූරුවට පිටත්ව යාමට කොළඹ ත්‍රිපුද්ගල විශේෂ මහාධිකරණය විසින් අද (07) අවසර ලබාදී ඇත. පසුගිය රජය සමයේ ඩී.ඒ. රාජපක්ෂ අනුස්මරණ කෞතුකාගාරය ඉදිකිරීම සදහා රජයේ මුදල් සාවද්‍ය ලෙස පරිහරණය කළ බවට චෝදනා කරමින් නීතිපතිවරයා විසින් ගොනු කරන ලද නඩුව අද විභාගයට ගනිමින් කොළඹ ත්‍රිපුද්ගල විශේෂ මහාධිකරණය විසින් ඉහත නියෝගය සිදුකරන ලදී. නඩුව යළි ලබන 20 වනදා කැදවීමට නියමිතව ඇත.
