NTJ සහ JMI සංවිධාන තහනම් කිරීමේ විශේෂ ගැසට් නිවේදනය නිකුත් වෙයි..
ඉස්ලාම් සංවිධාන දෙකක් තහනම් කිරීමේ විශේෂ ගැසට් නිවේදනයක් නිකුත් කර ඇති බව වාර්තා වේ. අන්තවාදී සංවිධාන ලෙස සලකමින් ජාතික තව්හිද් ජමාද් සහ ජමාතෙයි මිල්ලතෙ ඊබ‍්‍රහිම් යන සංවිධාන දෙක තහනම් කරමින් අදාළ විශේෂ ගැසට් නිවේදනය නිකුත් කර තිබේ. පසුගිය මෙරටදී එල්ලවූ ත්‍රස්ත ප්‍රහාරයෙන් පසුව ඉහත සංවිධාන දෙක තහනම් කරමින් රජය විසින් විශේෂ නිවේදනයක් නිකුත් කරන ලද මුත් ඒ සම්බන්ධයෙන් වන ගැසට් නිවේදනය නිකුත් නොකිරීම සම්බන්ධයෙන් රට තුළ දැඩි විරෝධයක් මතු විය.
