අහිංසක, නිරායුධ ජනතාව පීඩාවට පත්කර රට අරාජික තත්ත්වයට පත්කිරීමට කිසිවෙකුටත් ඉඩදෙන්නේ නෑ – වැඩබලන පොලිස්පති සී.ඩී. වික්‍රමරත්න
අහිංසක, නිරායුධ ජනතාව පීඩාවට පත්කර රට අරාජික තත්ත්වයට පත්කිරීමට කිසිවෙකුට හෝ ඉඩනොදෙන බවත් අන්තවාදී කි‍්‍රයා වහාම නැවැත්වීමට කටයුතු කළයුතු බවත් වැඩබලන පොලිස්පති, ජ්‍යෙෂ්ඨ නියෝජ්‍ය පොලිස්පති සී.ඩී. වික්‍රමරත්න මහතා අවධාරණය කරයි. රට තුළ මේ වන විට උද්ගතව ඇති නොසන්සුන්කාරී වාතාවරවණය සම්බන්ධයෙන් අදහස් පළකරමින් වැඩබලන පොලිස්පතිවරයා මෙම අදහස් පළකර ඇත. එහිදී වැඩිදුරටත් අදහස් දක්වමින් සී.ඩී. වික්‍රමරත්න මහතා පවසා ඇත්තේ, ඉවසීමෙන් කටයුතු කිරීම පොලිසියේ දුර්වලතාවයක් බව සිතීම අන්තවාදී කණ්ඩායම් වල විශාල වරදක් බවයි. රට තුළ පැවති දරුණු ත‍්‍රස්වාදය විනාශ කිරීමට දැවැන්ත කාර්යයක් කළ පොලිසියට, මෙම සුළු අන්තවාදීන් පිරිස අංශූ මාත‍්‍රයක් පමණක් බව ද වැඩබලන පොලිස්පතිවරයා තවදුරටත් සදහන් කර ඇත.
