දන්සල් ලියාපදිංචිය අදත්..
වෙසක් දන්සල් ලියාපදිංචි කිරීමට අද (17) දිනය තුළදී ද අවස්ථාව ලබාදී ඇතැයි ශ්රි ලංකා මහජන සෞඛ්ය පරීක්ෂකවරුන්ගේ සංගමය පවසා සිටියි. වෙසක් පොහොය නිමිත්තෙන් සංවිධානය කරනු ලබන දන්සැල් අදාළ සෞඛ්ය වෛද්ය නිලධාරී කාර්යාලය හරහා ලියාපදිංචි කළයුතුව ඇති අතර එහිදී දන්සැල් පවත්වාගෙන යාම සම්බන්ධයෙන් අවශ්ය උපදෙස් ලබාදීම සිදුවේ. රට තුළ පවතින අනාරක්ෂිත තත්ත්වය හමුවේ වෙසක් දන්සැල් පැවැත්වීම හැකිතාක් සීමාකරන ලෙස රජය ඉල්ලා සිටි බැවින් පසුගිය වසරට සාපේක්ෂව මෙවර ඉතා අවම දන්සැල් ප්රමාණයක් පැවැත්වෙන බව ද ශ්රි ලංකා මහජන සෞඛ්ය පරීක්ෂකවරුන්ගේ සංගමය අනාවරණය කරයි.