සේනා දළඹුවාගෙන් හානි වූ වගාවන් වෙනුවෙන් ලැබිය යුතු වන්දි මුදල් නිසි පරිදි ලැබී නෑ – සමස්ත ලංකා ගොවිජන සම්මේලනය
පසුගිය කාලය තුළ මහත් ආන්දෝලනයකට ලක්වූ සේනා දළඹු වසංගතයෙන් හානි වූ බෝග වගාවන් වෙනුවෙන් ලැබිය යුතු වන්දි මුදල් ගොවීන් බහුතරයකට ලැබී නොමැති බව සමස්ත ලංකා ගොවිජන සම්මේලනය අනාවරණය කර සිටියි. අදාළ වන්දි මුදල් ලබාදීමේදී බලධාරීන් විසින් යම් අක‍්‍රමිකතා සිදුකර තිබෙන බවට ද එම සම්මේලනය චෝදනා කර සිටියි. මෙම තත්ත්වය පිළිබදව දැඩි අවධානය යොමුකර ගොවීන්ට හිමි වන්දි මුදල් ලබාදීමට කඩිනමින් කටයුතු කරන ලෙද රජයෙන් ඉල්ලා සිටින බව ද සමස්ත ලංකා ගොවිජන සම්මේලනය තවදුරටත් පවසා සිටියි.
