රජයේ මුදල් සාවද්‍ය ලෙස පරිහරණය කිරීම, හිටපු ආරක්ෂක ලේකම් ගෝඨාභයට එරෙහි නඩුව කල්යයි..
ඩී.ඒ. රාජපක්ෂ අනුස්මරණ කෞතුකාගාරය ඉදිකිරීම සදහා රුපියල් මිලියන 33.9 ක රජයේ මුදල් සාවද්‍ය ලෙස පරිහරණය කළ බවට චෝදනා කරමින් හිටපු ආරක්ෂක ලේකම් ගෝඨාභය රාජපක්ෂ මහතා ඇතුළු හත් දෙනෙකුට එරෙහිව ගොනු කරන ලද නඩුව යළි ලබන 23 වැනිදා කැදවන ලෙස කොළඹ ත්‍රිපුද්ගල විශේෂ මහාධිකරණය නියෝග කර ඇත. අදාළ නඩුව අද (21) විභාගයට ගනිමින් අධිකරණය විසින් මෙම නියෝගය ලබාදී ඇත. පොදු දේපළ පනත යටතේ නීතිපතිවරයා විසින් මෙම නඩුව ගොනුකර ඇත.
