ගංජා කිලෝ ග්‍රෑම් 93 ක් බස් රථයකින් ප්‍රවාහනය කරමින් සිටි පුද්ගලයෙකු දැලේ..
ගංජා කිලෝ ග්‍රෑම් 93 යි ග්‍රෑම් 70 ක් පුද්ගලික බස් රථයකින් ප්‍රවාහනය කරමින් සිටි පුද්ගලයෙකු මන්නාරම පොලිස්ථානයේ නිලධාරීන් විසින් ඊයේ (22) අත්අඩංගුවට ගෙන ඇති බව වාර්තා වේ. මන්නාරම, තිරිකේදීස්වරන් හන්දියේදී බස් රථයක් පරීක්ෂා කිරීමේදී අදාළ ගංජා තොගය සහ සැකකරු අත්අඩංගුවට ගෙන ඇත. අදාළ සැකකරු අද (23) මන්නාරම මහේස්ත්‍රාත් අධිකරණයට ඉදිරිපත් කිරීමට නියමිතව ඇති අතර මන්නාරම පොලීසිය මේ සම්බන්ධයෙන් වැඩිදුර විමර්ශන කටයුතු සිදුකරනු ලබයි.
