ඉදිරියටත් රට වෙනුවෙන් කැපවනවා, ගැටළු විසදීමට බෞද්ධ ක්රමවේදයන් භාවිතා කළයුතුයි – පුජ්ය ගලගොඩඅත්තේ ඥානසාර හිමි
කළයුතුව ඇත්තේ එකිනෙකාට චෝදනා කිරීම නොව උද්ගතව ඇති ගැටළු සදහා හේතු සොයා බලා පිළියම් යෙදීම බව ජනාධිපති සමාව ලබා සිරදඩුවමෙන් නිදහස් වූ බොදු බල සේනා සංවිධානයේ මහ ලේකම් පුජ්ය ගලගොඩඅත්තේ ඥානසාර හිමියන් අවධාරණය කර සිටියි. ඊයේ (24) පස්වරුවේ සිරදඩුවමෙන් නිදහස් වීමෙන් පසු උන්වහන්සේ රුක්මලේ, ධර්මවිජයාලෝක විහාරස්ථානයේදී කෝට්ටේ ශ්රි කල්යාණි සමාග්රි ධර්ම මහා සංඝ සභාවේ මහනායක අතිපුජ්ය ඉත්තෑපානේ ධම්මාලංකාර හිමියන් බැහැදකින ලද අතර අනතුරුව රාජගිරිය සද්ධර්මාරාජික විහාරස්ථානය වෙත වැඩම කරන ලදී. එහිදී පුජ්ය ගලගොඩඅත්තේ ඥානසාර හිමියන් මාධ්ය වෙත අවධාරණය කරන ලද්දේ රට තුළ උද්ගතව ඇති ගැටළු විසදීම සඳහා බෞද්ධ ක්රමවේදයන් භාවිතා කළයුතුව ඇති බවයි. තමන් ඉදිරියටත් රට වෙනුවෙන් කැපවන බවත් සියළුදෙනා සංයමවෙන් කටයුතු කළයුතුව ඇති බවත් ඥානසාර හිමියන් මෙහිදී තවදුරටත් පවසා සිටින ලදී.