ඊයේ සිදුකළ විශේෂ සෝදිසි මෙහෙයුම් වලදී පුද්ගලයින් 27 දෙනෙකු සැකපිට අත්අඩංගුවට..
දිවයිනේ ප්රදේශ කිහිපයක් තුළ යුධ හමුදාව සහ පොලිසිය ඒකාබද්ධව, ඊයේ (28) දිනයේදී සිදුකරන ලද විශේෂ සෝදිසි මෙහෙයුම් වලදී පුද්ගලයින් 27 දෙනෙකු සැකපිට අත්අඩංගුවට ගෙන ඇති බව වාර්තා වේ. එම විශේෂ සෝදිසි මෙහෙයුම් වලදී මිනුවන්ගොඩ, ගල්ඔළුව ප්රදේශයෙන් පුද්ගලයින් 13 දෙනෙකු, මොරටුව ප්රදේශයෙන් පුද්ගලයින් 03 දෙනෙකු, හැව්ලොක්සිටි හිදී පුද්ගලයින් 02 දෙදෙනෙක්, කුරුණෑගල සහ වැලිසර, මාබෝල යන ප්රදේශවලින් පුද්ගලයින් දෙදෙනෙකු ද සැකපිට අත්අඩංගුවට ගෙන තිබේ. බණ්ඩාරගම ප්රදේශය තුළ සිදුකරන ලද සෝදිසි මෙහෙයුම්වලදී සැකපිට පුද්ගලයින් 07 දෙනෙකු ද අත්අඩංගුවට ගෙන ඇත.