මහසොන් බලකායේ ප්‍රධානි අමිත් වීරසිංහ යළි රිමාන්ඩ්..
මහසොන් බලකායේ ප්‍රධානි අමිත් වීරසිංහ යන අය ජූනි මස 04 වනදා තෙක් යළි බන්ධනාගාරගත කරන්නැයි අධිකරණය විසින් අද (29) නියෝග කරන ලදී. ජාතීන් අතර අසමගිය වර්ධනය වන ආකාරයට අන්තර්ජාලයෙන් අදහස් පළකරන ලද බවට චෝදනා කරමින් අත්අඩංගුවට පත් අමිත් වීරසිංහ යන අය අද (29) කොළඹ මහේස්ත්‍රාත් අධිකරණය වෙත ඉදිරිපත් කරන ලද අවස්ථාවේදී අධිකරණය විසින් මෙම නියෝගය ලබාදී ඇත.
