යාපනයේදී පිපිරීමක්, යුද හමුදා සෙබළෙකු ජීවිතක්ෂයට පත්ව දෙදෙනෙකු තුවාල..
යාපනයේදී ඊයේ (01) සිදුවූ පිපිරීමකින් යුද හමුදා සෙබළෙකු ජීවිතක්ෂයට පත්වී තවත් දෙදෙනෙකු තුවාල ලබා ඇතැයි යුද හමුදා ආරංචි මාර්ග අනාවරණය කර සිටියි. යාපනය, පාලාලි, වාසවිලාන් ප්‍රදේශයේ දී මෙම පිපිරීම සිදුව ඇත. තුවාල ලැබූ හමුදා සෙබළුන් යාපනය ශික්ෂණ රෝහලේ ප්‍රතිකාර ලබයි. යුද්ධය පැවති කාලය තුළ පොළවේ වලදමන ලද පුපුරණ ද්‍රව්‍යයක් පුපුරා යාමෙන් මෙම අනතුරු සිදුව ඇතැයි මේ වන විට කරුණු අනාවරණය වී ඇති බවද එම ආරංචි මාර්ග තවදුරටත් පවසා සිටියි.
