බදියුදීන්ට එරෙහි විශ්වාසභංගය ගැන තීරණයකට එළඹ අවසන් – ශ්රී.ල.නි.ප මහ ලේකම් දයාසිරි ජයසේකර
අමාත්‍ය රිෂාඞ් බදියුදීන් මහතාට එරෙහිව ඒකාබද්ධ විපක්ෂය විසින් පාර්ලිමේන්තුවට ඉදිරිපත් කර ඇති විශ්වාසභංග යෝජනාව පිළිබදව මේ වන විට අවසන් තීරණයකට එළඹ ඇතැයි ශ්රී ලංකා නිදහස් පක්ෂය අවධාරණය කර සිටියි. පක්ෂයේ මහ ලේකම් පාර්ලිමේන්තු මන්තී‍්‍ර දයාසිරි ජයසේකර මහතා අනාවරණය කරන්නේ මෙරට බහුතර ජනතාවගේ මතය ශ්රී ලංකා නිදහස් පක්ෂයේ ද මතය වන බවයි. ඒ අනුව අදාළ විශ්වාසබංග යෝජනාව පිළිබදව පක්ෂය මේ වන විට තීරණයකට එළඹ ඇති බවත් එම තීරණය ඉදිරියේදී ක්‍රියාත්මක කරන බවත් දයාසිරි ජයසේකර මහතා වැඩිදුරටත් පවසා සිටියි. අමාත්‍ය රිෂාඞ් බදියුදීන්ට එරෙහි මෙම විශ්වාසභංග යෝජනාව ලබන 18 සහ 19 යන දෙදින තුළ විවාදයට ගැනීමට නියමිත අතර ඊට පක්ෂව සිය ඡන්දය ලබාදෙන බව ජනතා විමුක්ති පෙරමුණ මේ වන විටත් ප‍්‍රකාශ කර තිබේ.
