කුරුණෑගල වෛද්යවරයා ගැන සෞඛ්ය අමාත්යංශ කමිටුවේ අතුරු වාර්තාව අද ලේකම්වරයට..
රට තුළ දැඩි ආන්දෝලයක් බවට පත්ව ඇති කුරුණෑගල ශික්ෂණ රෝහලේ ප්රසව හා නාරිවේද වෛද්ය සෙයිගු සියාබ්දින් මොහොමඞ් සාෆි යන අය සම්බන්ධයෙන් වන විමර්ශන වාර්තාවක් අද (03) දින සෞඛ්ය අමාත්යංශ ලේකම්වරිය වෙත භාරදීමට නියමිතව ඇති බව වාර්තා වේ. අදාළ චෝදනා සම්බන්ධයෙන් විමර්ශනය කිරීම සදහා සෞඛ්ය අමාත්යංශය විසින් පත්කරන ලද කමිටුව විසින් සකස් කරන ලද අතුරු වාර්තාව මෙසේ සෞඛ්ය අමාත්යංශයේ ලේකම්වරියට භාරදීමට නියමිතව තිබේ. කෙසේ වෙතත මෙම පරීක්ෂණ කමිටුව පිළිබද විටින් විට විවිධ චෝදනා එල්ලවූ අතර අදාළ වෛද්යවරයා සම්බන්ධයෙන් මේ වනවිට පැමිණිලි 600 කට අධික ප්රමාණයක් ලැබී ඇති බවද වාර්තා වේ.