බංග්ලාදේශයට පෙරළිකාර ජයක්..
සිය පළමු තරගයෙන්ම පෙරළිකාර ජයක් ලැබීමට බංග්ලාදේශ කණ්ඩායම ඊයේ (02) සමත්විය. ඒ අනුව ලෝක කුසලාන තරගාවලියේ ඊයේ දකුණු අප්‍රිකාව සමග පැවති තරගයෙන් ලකුණු 21 ක විශිෂ්ඨ ජයක් ලබාගැනීමට බංගලාදේශ කණ්ඩායම සමත්විය. තරගයේ කාසියේ වාසිය දකුණු අප්‍රිකාව විසින් දිනාගන්නා ලද අතර ඔවුන්ගේ ආරාධනයෙන් මුලින් පන්දුවට පහරදුන් බංග්ලාදේශ කණ්ඩායම පන්දුවාර 50 අවසානයේදී කඩුලු 6 ක් දැවී ලකුණු 330 ක් ලබාගන්නා ලදී. මෙහිදී බංග්ලාදේශ පිල වෙනුවෙන් ෂකිබ් අල් හසන් ලකුණු 75 ක් ද මුෂ්ෆිකර් රහීම් ලකුණු 78 ක් ද රැස්කරගැනීමට සමත්විය. මෙම ඉලක්කය හඹාගිය දකුණු අප්‍රිකානු කණ්ඩායමට නියමිත පන්දු ඕවර 50 තුළ රැස්කරගත හැකිවූයේ කඩුළු 08 ක් දැවී ලකුණු 309 ක් පමණි. දකුණු අප්‍රිකානු නායක ෆැෆ් ඩූ ප්ලෙසිස් ලකුණු 62 ක් ලබාගත්තේය.
