බුද්ධි තොරතුරු මාධ්ය හමුවේ අනාවරණය කරවීම කිසිදු ලෙසකින් අනුමත කරන්නේ නෑ – ජනාධිපති මෛත්රීපාල සිරිසේන
බුද්ධි තොරතුරු මාධ්ය හමුවේ අනාවරණය කරවීම තමන් කිසිදු ලෙසකින් අනුමත නොකරන බව ජනාධිපති මෛත්රීපාල සිරිසේන මහතා අවධාරණය කර සිටියි. පොලිස් දෙපාර්තමේන්තුවේ ජ්යෙෂ්ඨ නිලධාරින් සමග ඊයේ (07) පැවති මාසික සාකච්ඡාවේදී ජනාධිපතිවරයා මෙම අදහස් පළකර ඇත. පාර්ලිමේන්තු කාරක සභාවක් හමුවට මෙරට බුද්ධි අංශයන්හි නිලධාරින් ගෙන්වා, බුද්ධි තොරතුරු රටට අනාවරණය කිරීම අනුමත කළ නොහැකි බව ජනාධිපතිවරයා මෙහිදී වැඩිදුරටත් පවසා ඇත. මේ වන විට සේවයේ නිරතවී සිටින ආරක්ෂක අංශවල කිසිදු නිලධාරියෙක් තේරීම් කාරක සභාවට ඉදිරිපත් නොකරන බවත් එම සියලූදෙනා පිළිබඳ වගකීම තමන් භාරගන්නා බවත් ජනාධිපති මෛත්රීපාල සිරිසේන මහතා මෙහිදී වැඩිදුරටත් පවසා ඇත.