තී‍්‍ර රෝද රථ ගාස්තු ඉහළට..? තීරණය අද – ලංකා ස්වයංරැකියා වෘත්තිකයින්ගේ ජාතික තී‍්‍ර රෝද රථ සංගමය
තී‍්‍ර රෝද රථ ගාස්තු ඉහළ නැංවීම සම්බන්ධයෙන් අවධානය යොමුව ඇති බව ලංකා ස්වයංරැකියා වෘත්තිකයින්ගේ ජාතික තී‍්‍ර රෝද රථ සංගමය අවධාරණය කර සිටියි. ඊයේ (10) මධ්‍යම රාත්‍රියේ සිට ක්‍රියාත්මක වන පරිදි ඔක්ටේන් 92 වර්ගයේ පෙට‍්‍රල් ලීටරයක මිල රුපියල් 3/- කින් ඉහළ නැංවීමට රජය විසින් ගන්නා ලද තීරණය හමුවේ තී‍්‍ර රෝද රථ ගාස්තු ඉහළ නැංවීම පිළිබදව අවධානය යොමු කරන බව එම සංගමය වැඩිදුරටත් පවසා සිටියි. අදාළ මිල ගණන් ඉහළ නැංවීම සම්බන්ධයෙන් අද (11) දිනය තුළ සංගමයේ සාමාජිකයින් සමග සාකච්ඡා කිරීමට බලාපොරොත්තු වන බවත් ඒ අනුව යම් තීරණයකට එළඹෙන බවත් ලංකා ස්වයංරැකියා වෘත්තිකයින්ගේ ජාතික තී‍්‍ර රෝද රථ සංගමයේ සභාපති සුනිල් ජයවර්ධන මහතා වැඩිදුරටත් අනාවරණය කර සිටියි.
