ජාතික බුද්ධි ප්‍රධානි තනතුරට නව පත්වීමක්..
විශ්‍රාමික නියෝජ්‍ය පොලිස්පති සිසිර මෙන්ඩිස් මහතා ඉල්ලා අස්වීමෙන් පසු පුරප්පාඩු වූ ජාතික බුද්ධි ප්‍රධානී තනතුර සදහා ජනාධිපතිවරයා විසින් නව පත්වීමක් සිදුකර ඇත. ඒ අනුව නව ජාතික බුද්ධි ප‍්‍රධානියා ලෙස මේජර් ජෙනරාල් ජීවක රුවන් කුලතුංග මහතා පත්කර ඇති බව වාර්තා වේ. අදාළ තනතුරට පත්වූ මේජර් ජෙනරාල් ජීවක රුවන් කුලතුංග මහතා, ආරක්ෂක සේවා අණ හා මාණ්ඩලික විද්‍යාලයේ සේනාවිධායක ලෙස කටයුතු කරමින් සිටි අතර මේජර් ජෙනරාල් ප‍්‍රභාත් දෙමටම්පිටිය මහතා එම තනතුරට පත්කර ඇති බවද වාර්තා වේ.
