ප්‍රදේශ රැසකට අදත් වැසි..
අද (14) දිනය තුළදීත් දිවයිනේ ප්‍රදේශ රැසක වැසි ඇතිවනු ඇති බව කාලගුණ විද්‍යා දෙපාර්තමේන්තුව අනාවරණය කර සිටියි. ඒ අනුව බස්නාහිර, දකුණු, මධ්‍යම, සබරගමුව සහ වයඹ පළාත්වල ප්‍රදේශ කිහිපයක වැසි ඇතිවනු ඇති බව එම ආරංචි මාර්ග පවසා සිටියි. එමෙන්ම පුත්තලම, කොළඹ සහ ගාල්ල හරහා හම්බන්තොට දක්වා වන වෙරළ ආශ්‍රිත මුහුදු ප්‍රදේශවල ද ස්ථාන කිහිපයක ද වැසි ඇතිවනු ඇතැයි එම ආරංචි මාර්ග වැඩිදුරටත් අනාවරණය කර සිටියි.
