පොලිසියේ කණිෂ්ඨ නිළධාරීන් 30000 කට උසස්වීම්..
ශ්රී ලංකා පොලිස් දෙපාර්තමේන්තුවේ කණිෂ්ඨ පොලිස් නිළධාරීන් 30000 කට පමණ ලබාදීමට නියමිතව ඇති උසස් වීම්, වහාම ලබාදීමට තීරණය කර ඇති බව වාර්තා වේ. ඒ අනුව වසර 12 ක සක්රීය සේවා කාලයක් සම්පූර්ණ කර ඇති පොලිස් කොස්තාපල්වරුන්, පොලිස් සැරයන් නිලයට ද, වසර 12 ක සක්රීය සේවා කාලයක් සම්පූර්ණ කර තිබෙන පොලිස් සැරයන්වරුන් උප පොලිස් පරීක්ෂක නිලයට ද උසස් කිරීමට නියමිතව ඇත. එමෙන්ම වසර 10 ක සේවා කාලයක් සම්පූර්ණ කරන ලද උප පොලිස් පරීක්ෂකවරුන්, පොලිස් පරීක්ෂක නිලයට ද, වසර 10 ක සේවා කාලයක් සම්පූර්ණ කරන ලද පොලිස් පරීක්ෂකවරුන් ප්රධාන පොලිස් පරික්ෂක නිලයට ද උසස් කෙරෙනු ඇත.
ජාතික පොලිස් කොමිෂන් සභාව විසින් මෙම තීරණයට එළඹ ඇති අතර පොලිස්පතිවරයාගේ නිර්දේශය මත ජාතික පොලිස් කොමිසමේ අනුමැතිය ද අනුව මෙම උසස්වීම් ලබාදීමට නියමිතව ඇති බව ද වාර්තා වේ.