නිදහස් පක්ෂය හා පොදුජන පෙරමුණ අතර අද පැවැත්වීමට නියමිතව තිබූ 06 වන වටයේ සාකච්ඡාව අවලංගු වෙයි..
සන්ධානගත වීම සම්බන්ධයෙන් ශ්‍රී ලංකා නිදහස් පක්ෂය හා ශ්‍රී ලංකා පොදුජන පෙරමුණ අතර අද (17) පැවැත්වීමට නියමිතව තිබූ සාකච්ඡාව අවලංගු කර ඇති බව වාර්තා වේ. පක්ෂ දෙක මීට පෙර සාකච්ඡා වට 05 ක් පවත්වා ඇති අතර අද පැවැත්වීමට නියමිතව තිබූ 06 වන සාකච්ඡාව මෙසේ අවලංගු කර ඇත. කෙසේ වෙතත් අදාළ සාකච්ඡාව ලබන 26 වනදා යළි පැවැත්වීමට නියමිතව ඇතැයි ශ්‍රී ලංකා නිදහස් පක්ෂයේ මහ ලේකම් පාර්ලිමේන්තු මන්ත්‍රී දයාසිරි ජයසේකර මහතා අනාවරණය කර සිටියි.
