විදුලි පාරිභෝගිකයන්ගේ පහසුව තකා නව ජංගම දුරකථන මෘදුකාංගයක්..
විදුලි සැපයුමේහි සිදුවන හදිසි බිඳවැටීම් දැනුම් දීම, විදුලි බිල්පත් ගෙවීම්, විදුලි සැපයුම කප්පාදු කිරීම මෙන්ම පැමිණිලි ඉදිරිපත් කිරීම ආදි සේවාවන් ලබාගත හැකිවන පරිදි නව ජංගම දුරකථන යෙදවුමක් හදුන්වාදීමට ලංකා විදුලිබල මණ්ඩලය විසින් කටයුතු යොදා ඇති බව වාර්තා වේ. අදාළ දුරකතන මෘදුකාංගය හදුන්වාදීම, විදුලිබල හා බලශක්ති අමාත්ය රවී කරුණානායක මහතාගේ ප්රධානත්වයෙන් අද (17) සිදුකිරීමට නියමිතය. මෙම නව ජංගම දුරකථන යෙදවුම හදුන්වාදීමත් සමග දිවයිනේ ඕනෑම ස්ථානයක සිදුවන විදුලි සැපයුමේ හදිසි බිඳවැටීම් පිළිබදව බලධාරීන්ට වහාම දැනුම්දීමට හැකිවනු ඇතැයි ලංකා විදුලිබල මණ්ඩලය වැඩිදුරටත් අනාවරණය කර සිටියි.