පාර්ලිමේන්තු විශේෂ කාරක සභාව අද රැස්වෙයි..
පසුගියදා මෙරට තුළ සිදුවූ ත්‍රස්ත ප්‍රහාරය සම්බන්ධයෙන් විමර්ශනය කිරීම සදහා පත්කරන ලද පාර්ලිමේන්තු විශේෂ කාරක සභාව අද (18) පස්වරු 02.00 ට රැස්වීමට නියමිතව ඇත. කාත්තන්කුඩි පොලීස් ස්ථානයේ ස්ථානාධිපතිවරයා සහ එහි හිටපු ස්ථානාධිපතිවරයා අද දිනයේදී මෙම කාරක සභාව හමුවේ පෙනී සිටීමට නියමිතව ඇත. එමෙන්ම පාර්ලිමේන්තු විශේෂ කාරක සභාවේ සාමාජිකයින් අද පෙරවරුවේ කතානායක කරූ ජයසූරිය මහතා හමුවීමට ද නියමිතව ඇතැයි වාර්තා වේ. මෙම පාර්ලිමේන්තු තේරීම් කාරක සභාවේ ක්‍රියාකාරීත්වය සම්බන්ධයෙන් මෙහිදී සාකච්ඡා කිරීමට නියමිතව ඇති බව ද එම ආරංචි මාර්ග අනාවරණය කර සිටියි.
