දුම්රිය වර්ජනයෙන් මගීන් දැඩි පීඩාවකට..
වැටුප් විෂමතා ගැටළුවක් මුල්කරගනිමින් දුම්රිය වෘත්තීය සමිති රැසක් ඊයේ (20) මධ්‍යම රාත්‍රියේ සිටි දියත් කරන ලද වර්ජනය හේතුවෙන් මේ වන විට දුම්රිය මගීන් දැඩි පීඩාවකට පත්ව සිටියි. කෙසේ වෙතත් ඊයේ පස්වරුවේ සිටම දුම්රිය ගමන්වාර කිහිපයක් අවලංගුවූ අතර දුම්රිය කිහිපයක් පමණක් මේ වන විට ධාවනය කර ඇත. ඒ අනුව මහනුවර, රඹුක්කන, මහව, හලාවත, ගාල්ල සහ මාතර යන දුම්රිය ස්ථානයන්හි සිට කොළඹ කොටුව දක්වා දුම්රිය කිහිපයක් පමණක් ධාවනය කරවීමට දුම්රිය බලධාරීන් කටයුතු කර තිබේ.
