ඉස්ලාම් දහම අත්හරින පුද්ගලයින් ඝාතනය කළ යුතුයි, ඉස්ලාම් ධර්මය පිළිබඳ පෙළපොත් වල සඳහන් බව හෙළිවෙයි..
ඉස්ලාම් දහම අත්හරිනු ලබන පුද්ගලයින් ඝාතනය කළ යුතුයැයි ඉස්ලාම් ධර්මය පිළිබඳ පෙළපොත් වල සඳහන් වන බව ඊයේ (20) පාර්ලිමේන්තු විශේෂ කාරක සභාවේදී අනාවරණයවී ඇති බව වාර්තා වේ. පසුගිය ත්රස්ත ප්රහාරය සම්බන්ධයෙන් කරුණු වාර්තා කිරීම සදහා පත්කරන ලද පාර්ලිමේන්තු විශේෂ කාරක සභාවට ඊයේ සාක්ෂි දීමට පැමිණි රිස්වින් ඉස්මායිත් යන අය විසින් මේ බව සදහන් කර තිබේ. තමන් 2013 වසරේදී ඉස්ලාම් ආගමෙන් ඉවත්වූ බවත් ඉන් පසුව මරණ තර්ජන වලට පවා මුහුණදීමට තමන්ට සිදුවූ බවත් පාසල් පෙළපොත්වල මෙවැනි කරුණු සඳහන්වීම නිසා රට තුළ ත්රස්තවාදීන් නිර්මාණය කිරීමට වෙනත් කිසිදු පාර්ශවයක සහය අවශ්ය නොවන බවත් රිස්වින් ඉස්මායිත් යන අය මෙහිදී වැඩිදුරටත් සිය අදහස් දක්වමින් අනාවරණය කර ඇත.