හෙට කොළඹට පැය 12 ක ජල කප්පාදුවක්..
හෙට (22) උදෑසන 09.00 සිට මධ්‍යම රාත්‍රී 12.00 තෙක් පැය 15 ක කාලය තුළ ජල සැපයුම කප්පාදු කරන බව ජාතික ජල සම්පාදන හා ජලාපවහන මණ්ඩලය අනාවරණය කර සිටියි. ඒ අනුව කොළඹ, දෙහිවල, ගල්කිස්ස, කෝට්ටේ, කඩුවෙල යන මහ නගර සභා බල ප්‍රදේශ, මහරගම, බොරලැස්ගමුව, කොළොන්නාව, නගර සභා බල ප්‍රදේශ සහ කොටිකාවත්ත, මුල්ලේරියාව ප්‍රාදේශීය සභා බල ප්‍රදේශ ඇතුළුව රත්මලාන සහ සොයිසාපුර මහල් නිවාස සංකීර්ණය සදහා අදාළ කාලය තුළ ජල සැපයුම අත්හිටුවෙනු ඇත. අත්‍යාවශ්‍ය අලුත්වැඩියා කටයුතු කිහිපයක් හේතුවෙන් මෙසේ ජල සැපයුම අත්හිටුවීමට සිදුව ඇතැයි ජාතික ජල සම්පාදන හා ජලාපවහන මණ්ඩලය වැඩිදුරටත් අනාවරණය කර සිටියි.
