ගැටළු සදහා මෙතෙක් විසදුම් නෑ, තැපෑලත් වෘත්තීය ක්‍රියාමාර්ගයකට සැරසෙයි..
සිය වෘත්තීය ගැටළු සදහා විසදුම් ලබාදීමට බලධාරීන් කටයුතු නොකළහොත් දැඩි වෘත්තීය ක්‍රියාමාර්ගයන්ට එළඹෙන බව ඒකාබද්ධ තැපැල් වෘත්තීය සමිති පෙරමුණ අනතුරු අගවා සිටියි. ඒ අනුව ඉදිරි සතිය තුළ අදාළ ගැටළු සදහා නිසි විසදුම් ලබාදීමට බලධාරීන් කටයුතු නොකළහොත් වෘත්තීය ක්‍රියාමාර්ගයකට එළඹීම පිළිබදව තීරණයක් ගන්නා බවයි. අදාළ ගැටළු සම්බන්ධයෙන් විසදුම් ලබාදෙන්නැයි ඉල්ලා පසුගිය වසරේදී ද වැඩ වර්ජන ක්‍රියාමාර්ගයකට අවතීර්ණ වූ නමුත් මෙතෙක් ඒ සම්බන්ධයෙන් නිසි අවධානයක් යොමුකිරීමට බලධාරීන් කටයුතු කර නොමැති බවද සිය ඉදිරි ක්‍රියාමාර්ග පිළිබදව විශේෂ සාකච්ඡාවක් පවත්වා අවශ්‍ය ක්‍රියාමාර්ග පිළිබදව තීරණයකට එළඹෙන බවත් ඒකාබද්ධ තැපැල් වෘත්තීය සමිති පෙරමුණ වැඩිදුරටත් අවධාරණය කර සිටියි.
