මහජන බැංකුව පෞද්ගලිකකරණය කරන බවට පළවන වාර්තා අසත්යයි – මුදල් අමාත්ය මංගල සමරවීර
ගිණුම් හිමියන්ට කොටස් ප්රාග්ධනය ලබා දෙමින් මහජන බැංකුව පෞද්ගලිකකරණය කිරීමට කටයුතු කරමින් සිටින බවට පළවන වාර්තා අසත්ය බව මුදල් අමාත්ය මංගල සමරවීර මහතා අවධාරණය කර සිටියි. නිවේදනයක් නිකුත් කරමින් අමාත්යවරයා වැඩිදුරටත් පවසා සිටින්නේ මහජන බැංකුව පෞද්ගලිකකරණය කිරීමට සැරසෙන බවට පසුගියදා පුවත්පත්වල පළ වන ලද වාර්තාවල කිසිදු සත්යතාවයක් නොමැති බවයි. මෙවැනි ප්රචාර තුළින් මහජනතාව නොමඟ යන අතර මෙම ප්රචාර අසත්ය මෙන්ම ද්වේශසහගත බව ද එම නිවේදනයෙහි වැඩිදුරටත් සදහන් කර ඇත.