ගෝඨාභයට එරෙහිව ඇමෙරිකාවේ අධිකරණයකට පැමිණිලි 10 ක්..
හිටපු ආරක්ෂක ලේකම් ගෝඨාභය රාජපක්ෂ මහතාට එරෙහිව ඇමෙරිකාවේ අධිකරණයකට පැමිණිලි 10 ක් ඉදිරිපත්ව ඇති බව විදෙස් ආරංචි මාර්ග අනාවරණය කර සිටියි. ඇමෙරිකාවේ, කැලිෆෝනියා ප්‍රාන්තයේ මධ්‍යම දිස්ත්‍රික් අධිකරණයට මෙම පැමිණිලි ඉදිරිපත් කර ඇත. දමිළ ජාතිකයින් අට දෙනෙකු සහ සිංහල ජාතිකයින් දෙදෙනෙකු විසින් ඊයේ (26) මෙම පැමිණිලි ඉදිරිපත් කර තිබේ. 2005 සිට 2015 දක්වා අතර කාලය තුළ ගෝඨාභය රාජපක්ෂ මහතා ආරක්ෂක ලේකම්වරයාව සිටියදී සිදු වූ බව පැවසෙන සිදුවිම් කිහිපයක් සම්බන්ධයෙන් මෙම පැමිණිලි ඉදිරිපත් කර ඇත.
