ත්රස්ත ප්රහාරය ගැන විමර්ශනය කරන පාර්ලිමේන්තු විශේෂ කාරක සභාව අද යළි රැස්වෙයි, බදියුදීන් සභාව හමුවට..
පසුගියදා මෙරට තුළදී එල්ලවූ ත්රස්ත ප්රහාරය සම්බන්ධයෙන් විමර්ශනය කර කරුණු වාර්තා කිරීම සදහා පත්කරන ලද පාර්ලිමේන්තු විශේෂ කාරක සභාව අද (28) යළි රැස්වීමට නියමිතව ඇත. ඒ අද දහවල් පාර්ලිමේන්තු සංකීර්ණයේදීයි. හිටපු අමාත්ය රිෂාඩ් බදියුදීන් මහතා අද දිනයේදී තේරීම් කාරක සභාව ඉදිරියේ සාක්ෂි ලබාදීමට නියමිතව ඇත. බදියුදීන් මහතා පසුගිය 26 වනදා කමිටුව හමුවට කැදවන ලද නමුත් එම අවස්ථාවේ කමිටු සාමාජිකයින් තිදෙනෙකු නොසිටීම නිසා එදින සාක්ෂි විමසීමක් සිදුනොකරන ලදී.