ලෝක කුසලානයෙන් පසු එක් තරගයක් ක්‍රීඩා කර එක්දින ක්‍රිකට් පිටියෙන් සමුගන්නවා – ලසිත් මාලිංග
මෙවර ලෝක කුසලාන ක්‍රිකට් තරගාවලියෙන් පසු ශ්‍රී ලංකා ක්‍රීඩා ලෝලීන් ඉදිරිපිට එක් ක්‍රිකට් තරගයක් ක්‍රීඩා කර ජාත්‍යන්තර එක්දින ක්‍රිකට් පිටියෙන් සමුගැනීමට තීරණය කළ බව ශ්‍රී ලංකා කණ්ඩායමේ ප්‍රවීණ වේග පන්දු යවන ක්‍රීඩක ලසිත් මාලිංග පවසයි. කෙසේ වෙතත් 2020 දී පැවැත්වීමට නියමිතව ඇති විස්සයි විස්ස ලෝක කුසලානය දක්වා ක්‍රීඩා කිරීමට යම් බලාපොරොත්තුවක් තිබුණ ද ඒ පිළිබද ශ්‍රී ලංකා ක්‍රිකට් බලධාරීන් සමග සාකච්ඡා කර තීරණයකට එළඹෙන බව ද ලසිත් මාලිංග වැඩිදුරටත් පවසා සිටියි.
