මාදම්පේ පැරණි නගරයේ යකඩ එකතු කරනු ලබන ස්ථානයක ගින්නක්, ලොරියක් විනාශයි..
හලාවත, මාදම්පේ පැරණි නගරයේ යකඩ එකතු කරනු ලබන ස්ථානයක අද (02) උදෑසන කාලයේ හටගන්නා ලද ගින්නකින් එහි තිබූ ලොරි රථයක් සම්පුර්ණයෙන් විනාශ වී ඇති බව වාර්තා වේ. ගින්න හේතුවෙන් තවත් ලොරි රථ දෙකකට හානි සිදුව ඇති අතර මාදම්පේ පොලිසියේ නිලධාරීන් හා අවට ගම්වාසීන් විසින් දැඩි උත්සහයක් දරා ගින්න පාලනය කිරීමට කටයුතු කර ඇත. කසළ ගොඩකට තැබූ ගින්නක් පැතිරයාම නිසා මෙම ගින්න හටගෙන ඇතැයි පොලිසිය සැකකරන අතර ගින්න නිසා ජීවිත හානි කිසිවක් සිදුව නොමැත. මාදම්පේ පොලිසිය විසින් වැඩිදුර පරීක්ෂණ සිදුකරනු ලබයි.