බංග්ලාදේශය පරදවා ඉන්දීයාව අවසන් පූර්ව වටයට..
ඊයේ (02) බංග්ලාදේශය සමග පැවති තරගය ලකුණු 28 කින් ජයගත් ඉන්දීය කණ්ඩායම ලෝක කුසලාන කි‍්‍රකට් තරගාවලියේ අවසන් පූර්ව වටයට සුදුසුකම් ලබාගත්තේය. මෙම තරගයේ මුලින් පන්දුවට පහරදුන් ඉන්දීය කණ්ඩායම සිය පන්දුවාර පනහ තුළ කඩුළු 9 ක් දැවී ලකුණු 314 ක් ලබාගන්නා ලද අතර ඊට පිළිතුරු ලෙස බංගලාදේශ කණ්ඩායමට පන්දුවාර 48 කදී සියළුදෙනා දැවී රැස්කර ගතහැකි වූයේ ලකුණු 286 ක් පමණි. ඉන්දියාව වෙනුවෙන් සාර්ථක පිතිහරඹයක නිරතවූ රෝහිත් ශර්මා ලකුණු 104 ක් ලබාගත් අතර මෙම ශතකය, තරගාවලිය තුළ ඔහු විසින් ලබාගන්නා ලද සිව්වන ශතකය ද වේ. මේ වනවිට ඉන්දියාව සහ ඕස්ටේ‍්‍රලියාව අවසන් පූර්ව වටයට සුදුසුකම් ලබා සිටින අතර එංගලන්තය, නවසීලන්තය සහ පාකිස්ථානය අතර පැවැත්වීමට නියමිත තරගවල ප්‍රතිඵල අනුව අවසන් පූර්ව වටයට සුදුසුකම් ලබන ඉතිර රටවල් මොනවාදැයි තීරණය වනු ඇත.
