විදේශිකයින්ගේ වුවමනාව පරිදි මෙරට ඉඩම් ලබා ගැනීමේ හැකියාවක් නෑ – ආරක්ෂක රාජ්‍ය අමාත්‍ය රුවන් විජේවර්ධන
විදේශිකයින්ගේ වුවමනාව පරිදි මෙරට ඉඩම් ලබා ගැනීමට නොහැකි බවත් රට තුළ යම් නීතියක් පවතින බැවින් ඒ අනුව කටයුතු කරන බවත් ආරක්ෂක රාජ්‍ය අමාත්‍ය රුවන් විජේවර්ධන මහතා අවධාරණය කර සිටියි. මාධ්‍ය වෙත සිය අදහස් දක්වමින් අමාත්‍යවරයා මෙම අදහස් පළකර ඇති අතර ඇමෙරිකානු නියෝජිත කණ්ඩායමක් යාපනයේ ඉඩම් නිරීක්ෂණය කිරීමට පැමිණීම සම්බන්ධයෙන් තමන් දැනුවත් වී නොමැති බව ද මෙහිදී රුවන් විජේවර්ධන මහතා වැඩිදුරටත් අනාවරණය කර ඇත. අදාළ නියෝජිතයින් පිරිස පිළිබදව විදේශ කටයුතු අමාත්‍යාංශය දැනුවත් වී ඇතැයි වාර්තා වන බව ද අමාත්‍යවරයා වැඩිදුරටත් පවසා තිබේ.
