රක්නා ලංකා ආරක්ෂක සමාගමේ හිටපු සභාපති අත්අඩංගුවට..
ඇවන්ගාඩ් සිදුවීමට අදාළ විමර්ශන කටයුතු සඳහා රක්නා ලංකා ආරක්ෂක සමාගමේ හිටපු සභාපති වික්ටර් සමරවීර මහතා අපරාධ විමර්ශන කොට්ඨාශය විසින් අත්අඩංගුවට ගෙන ඇති බව වාර්තා වේ. ඒ මහතා අද (08) අපරාධ විමර්ශන කොට්ඨාශයට භාර වීමෙන් පසු මෙසේ අත්අඩංගුවට ගෙන තිබේ. පාවෙන අවි ගබඩාවක් පවත්වාගෙන යාමේ සිද්ධිය සම්බන්ධයෙන් ඇවන්ගාඩ් මෙරිටයිම් සර්විසස් සමාගමේ සභාපති නිශ්ශංක යාපා සේනාධිපති යන අය ඇතුළු පිරිසක් අත්අඩංගුවට ගන්නැයි පසුගියදා නීතිපතිවරයා විසින් වැඩබලන පොලිස්පතිවරයා වෙත නියම කරන ලද අතර රක්නා ලංකා සමාගමේ හිටපු සභාපති පර්සි වික්ටර් සමරවීර මහතා ද එසේ සැකරුවෙක් ලෙස අත්අඩංගුවට ගෙන අධිකරණයට ඉදිරිපත් කරන ලෙස ද එහිදී නියෝග කර ඇත.
